Walang kapararakang lakad

WALANG KAPARARAKANG LAKAD

walang kapararakang lakad

animo'y may ginagalugad

nagsisikap naman, di tamad

pagkakayod nga'y sinasagad

kilo-kilometrong lakarin

naninilay ay laksa pa rin

ang inaadhika'y tutupdin

gagawin ang bawat mithiin

ang lakad ba'y saan patungo

di naman nanggaling sa buho

nararamdaman ma'y siphayo

ay mararating din ang pulo

palayo ng palayong hakbang

palayo sa lupang hinirang

patungo sa lupang tiwangwang

na aking nais na malinang

- gregoriovbituinjr.

07.10.2025