TILAOK NG MANOK
madaling araw na
aba'y gumising ka
mag-uumaga na
pagtilaok nila
ako na'y tumayo
antok na'y naglaho
anumang nahulo
ay isulat na po
tila paglalambing
nang ako'y ginising
mula sa paghimbing
at pagkagupiling
ako pa'y nahagok
at napapalunok
nang magsitilaok
itong mga manok
dapat nang maghanda
sa muling pagkatha
ng tula't pabula
gising na ang diwa
- gregoriovbituinjr.
06.25.2025
* munting bidyong kuha ng makatang gala na mapapanood sa kawing na: https://www.facebook.com/share/v/14x9stKv5y/
Walang komento:
Mag-post ng isang Komento