Kawawa naman ang buwaya

KAWAWA NAMAN ANG BUWAYA

kawawa naman ang buwaya

sa tusong trapo iginaya

dahil ba sa kapal ng balat

o pangil, kaytinding kumagat

buwaya'y tawag sa tiwali

lalo't trapo'y tengang kawali

sa hirap at dusa ng dukha

sa bayan ay walang ginawa

nakatanghod lamang sa kaban

ng bayan ang nanunungkulan

imbes sa masa kumakampi

ay sa burgesya nagsisilbi

kabang bayan ang nasa isip

pati alagad nilang sipsip

buwaya'y kawawang totoo

pagkat itinulad sa trapo

- gregoriovbituinjr.

02.24.2025

* batay sa komiks na Bugoy sa pahayagang Pang-Masa, Pebrero 23, 2025, p.7