nadarama ng dibdib ang parating na panganib
habang ako'y patungo sa isang pook na liblib
habang kasabay ang dilag na may pagsintang tigib
habang naaapakan ang malalaking kuwitib
bakit dapat pag-aralan ang galaw ng lipunan?
bakit laksa'y mahirap at mayaman ay iilan?
bakit inaaring pribado ang yaman ng bayan?
bakit mapagsamantala'y sa masa'y hagikhikan?
di ba't para sa lahat ng tao ang mundong ito?
bakit karapatang pantao'y di nirerespeto?
tangan ba tayo sa leeg ng mga pulitiko?
at ang masa'y pinaglalaruan lang ng gobyerno?
parating na panganib ay nadarama ng dibdib
habang nangangati pa ang papagaling na langib
habang may nakaabang sa malalaking talahib
habang trapo'y nagbabantang ang masa'y masibasib
- gregbituinjr.
Mag-subscribe sa:
I-post ang Mga Komento (Atom)
Trapo at basahan
TRAPO AT BASAHAN bentador ng bayan ang trapo ang turing sa dukha'y basahan trapo'y nanloloko ng tao ayuda ang nasa isipan ano bang a...
-
ANG "AKO ANG DAIGDIG" NI ALEJANDRO G. ABADILLA AT ANG "TAYO ANG DAIGDIG" NG U.S.A. FOR AFRICA Maikling sanays... -
BUWAYA tila buwaya'y mukhang Lacoste pangmayaman, pangmay-sinasabi: ang "Their Luxury, Our Misery" na patamà sa mga salbahe i... -
ISANG KAHIG, ISANG TUKA tulad daw ng manok / ang buhay ng dukha pagkat sila'y isang / kahig, isang tuka sa bawat pagkilos / ay kakaing s...
Walang komento:
Mag-post ng isang Komento