GENDER EQUALITY
galing ka raw sa tadyang ko, ngunit
iba yaong nais kong igiit
pantay tayo, anang kwentong bayan
nang sabay lumabas sa kawayan
karapatan nati'y magkapantay
pagkat minulan ay magkasabay
noon pa'y may gender equality
pantay ang babae at lalaki
mulâ sa katutubong alamat
ngalan ay Maganda at Malakas
tulad ko, katutubò rin sila
pagkapantay ay kinikilala
salamat sa alamat na ito
na pinanghawakan kong totoo
para sa pantay na karapatan
patungo sa patas na lipunan
- gregoriovbituinjr.
04.12.2026
* litrato nina Maganda at Malakas sa UP Vargas Museum sa Diliman, QC
Walang komento:
Mag-post ng isang Komento