INUMING MALUNGGAY
sampung pisong malunggay
ang binili kong tunay
sa palengkeng malapit
barya man ay maliit
nilagay ko sa baso
at binantuan ito
ng mainit na tubig
na panlaban sa lamig
layunin ko'y lumakas
ang kalamna't tumigas
bisig na matipunô
at sakit ay maglahò
sa malunggay, salamat
dama'y di na mabigat
ang loob ko'y gumaan
pati puso't isipan
- gregoriovbituinjr.
10.22.2025
Walang komento:
Mag-post ng isang Komento