KASAYSAYAN NG BROADSHEET
buwis daw noong unang panahon
ng diyaryo'y binabatay pala
ayon sa pamahalaang Briton
sa bilang ng kanilang pahina
laksang pahina, malaking buwis
at naisip ng nasa diyaryo
konting pahina, konti ring buwis
kaya pinalaki nila ito
buti sa Pilipinas, di ganyan
dahil tabloid pa rin ay kayrami
buting magbasa ng kasaysayan
kahit gaano tayo ka-busy
salamat sa historyang ganito
at ang kagaya kong manunulat
sa mga nabasa'y natututo
magbuklat, bulatlat, mamumulat
- gregoriovbituinjr.
08.08.2025
* ulat mula sa pahayagang Pilipino Star Ngayon, Hulyo 18, 2025, pahina 5
Walang komento:
Mag-post ng isang Komento