PAGBABALIK SA LUNGSOD
nakabalik na sa Maynila
itong pagod kong puso't diwa
mula sa nayon ng diwata
kong minumutya, namayapa
kapayapaan sana'y kamtin
ng magulong daigdig natin
ng rumagasang mga talim
ng nadaramang suliranin
suliranin sana'y malutas
sa mga hidwa makaalpas
kahit sa panahong taglagas
kamtin ang sa sakit ay lunas
magkalunas ang karamdamang
sanhi'y pait pag nalasahan
dapat suriin, pag-isipan
nang makamit ang kasagutan
- gregoriovbituinjr.
06.29.2025
Walang komento:
Mag-post ng isang Komento