Linggo, Hunyo 29, 2025

Lias Bridge sa NLEX

LIAS BRIDGE SA NLEX

pangitain na naman ba ito
galing kaming Lias, nakita ko
nang bumiyahe na galing Baguio:
ang "Lias Bridge" at ang "Tapat sa'yo"

oo, mahal, at nakita ko yaon
kinunan ko ng litrato iyon
nang nasa NLEX kami kahapon
ano kayang kahulugan niyon

nalibing na sa Lias si mahal
katapatang siya'y pupuntahan
ang sa puso't diwa nakakintal
sa undas at kanyang kaarawan 

di lilimutin yaong pangako
sa mundo man, siya na'y naglaho

- gregoriovbituinjr.
06.29.2025

Walang komento:

Mag-post ng isang Komento

Sa aking lunggâ

SA AKING LUNGGA ang noo ko'y kunot sa aking lungga nagninilay sa ilalim ng lupa naghahanda sa malawakang sigwa diwa, pluma't gulok a...