BATA, BATAY, BANTAY
bata pa ako'y napag-aralan
sinong bayani't kabayanihan
kung saan kanilang pinaglaban
ang paglaya mula sa dayuhan
batay sa kasaysayan ng lahi
na kayraming bayaning nasawi
na paglaya ng bayan ang mithi
kalayaang dapat ipagwagi
kaya bantayan natin ang bansa
laban sa mga tuso't kuhila
tiyaking madla'y maging malaya
laban sa anumang pagbabanta
patuloy ang pagpapakasakit
sa masang ang buhay ay winaglit
patuloy tayong magmalasakit
upang ginhawa'y ating makamit
- gregoriovbituinjr.
04.16.2025
Walang komento:
Mag-post ng isang Komento