Miyerkules, Marso 12, 2025

Dalawang balita sa aso

DALAWANG BALITA SA ASO

magkasabay na petsa ang balitang ito
magkaibang dyaryo sa wikang Filipino
nagkataon sa dalawang aso'y may kwento 
at pinagkaabalahang iulat ito

ang asong si Luna'y nakakain ng medyas
dalawampung piraso, tiyan ay nanigas
nagsusuka, buti't tiyan ay di nabutas
inoperahan siya't nabigyan ng lunas

sa pagi-skateboard si Chowder ay kayhusay
may 1.6 milyon follower na patunay
sa skateboarding nang walang umaalalay
isang English bulldog, sikat na siyang tunay

buti't ganitong balitang nabigyang pansin
na kahit pala aso'y may mga kwento rin

- gregoriovbituinjr.
03.12.2025

* ulat mula sa pahayagang Pilipino Star Ngayon, Marso 12, 2025, p.5 at pahayagang Pang-Masa, Marso 12, 2025, p.4

Walang komento:

Mag-post ng isang Komento

Ang librong di ko nabili

ANG LIBRONG DI KO NABILI may libro rin akong di nabili doon sa  Philippine Book Festival subalit ako'y interesante sa environmentalist n...