KAYSARAP NG TULOG NI ALAGA
nakita niya ang munting kahon
at iyon ang kanyang tinulugan
marahil nga'y napagod maghapon
hinigaa'y pinagpahingahan
simpleng buhay lamang si alaga
na sa bahay na naninirahan
simpleng buhay din akong makata
na abala lagi sa tugmaan
madalas, matapos kong kumain
ngingiyaw siya't mangangalabit
bibigyan siya ng makakain
pag busog na'y di na humihirit
kay alaga, maraming salamat
mga daga'y nagpulasang lahat
- gregoriovbituinjr.
12.22.2024
Walang komento:
Mag-post ng isang Komento