PAGLALABA SA OSPITAL
pampitong araw na namin ngayon
sa ospital sa silid na iyon
kaya naglaba kaninang hapon
ng mga baro, brief at pantalon
natapos ang operasyon niya
sa lapot ng dugo sa bituka
na dapat palabnawin talaga
upang daanan ay makahinga
susunod pa'y pangalwang pagtistis
sa mayoma niyang tinitiis
dahil doon, ako'y napatangis
pagtibok ng puso ko'y kaybilis
matapos labhan ay sinampay ko
inihanger sa loob ng banyo
upang matuyo ang mga ito
at nang may masuot pa rin dito
- gregoriovbituinjr.
10.29.2024
Walang komento:
Mag-post ng isang Komento