Sabado, Hunyo 15, 2024

Bayngaw

BAYNGAW

maliit ang langaw
malaki ang bangaw
mas malaki, bayngaw
na dulot ay panglaw

kapag nakagat ka
dengue ang kapara
o kaya'y malarya
iwasan mo sila

mahirap makagat
at kung magkasugat
baka di maampat
tiyak malalagnat

paligid, linisan
pati ang tahanan
nang di pamugaran
ng bayngaw na iyan

- gregoriovbituinjr.
06.15.2024

* mula sa UP Diksiyonaryong Filipino, p.157
bayngaw - pangngalan Zoolohiya [Sinaunang Tagalog]: malaking bangaw na nangangagat

Walang komento:

Mag-post ng isang Komento

Munting aklat ng salin

MUNTING AKLAT NG SALIN di pa ako umaabot na magpalimos kaya nagbebenta ng munting gawang aklat pultaym na tibak ay pulos diskarteng lubos da...