Martes, Marso 26, 2024

Inyong kamtin ang titulo

INYONG KAMTIN ANG TITULO

sa Letran Squires, pagbutihin ninyo
ang paglalaro at pag-eensayo
nawa sa inyong laban ay manalo
at makamit ang asam na titulo

apat na dekada nang nakaraan
nang naghayskul sa ating paaralan
panahon ni Samboy Lim nang nariyan
nang tatlong titulo'y napagwagian

panahon nina Libed at Tabora
nang Letran Squires ay umarangkada
ngayon naman ay inyong ipakita
na titulo'y mapasakamay n'yo na

magpatuloy kayo't sadyang magsikhay
at makakamit ninyo ang tagumpay
mabuhay ang Letran Squires! Mabuhay!
sa inyo'y taospusong pagpupugay!

- gregoriovbituinjr.
03.26.2024

* ulat mula sa pahayagang Pilipino Star Ngayon, Marso 26, 2024, pahina 12

Walang komento:

Mag-post ng isang Komento

Munting aklat ng salin

MUNTING AKLAT NG SALIN di pa ako umaabot na magpalimos kaya nagbebenta ng munting gawang aklat pultaym na tibak ay pulos diskarteng lubos da...