ANG BUWAN
kasabay si misis sa lakaran
nang buwan ay agad na kinunan
naiiba talaga ang buwan
kaysa poste ng ilaw sa daan
nalalambungan ng alapaap
na kapara ng mga pangarap
buti't sa selpon nakunang ganap
ang buwang nagtatago sa ulap
ano kayang kahulugan niyon
o wala, akala lang mayroon
mahalaga, sa paglilimayon
ay may nadidiskubreng kahapon
maya-maya, buwan na'y naglaho
di ko na alam saan patungo
basta huwag maligaw ang puso
at magpatuloy sa panunuyo
- gregoriovbituinjr.
02.05.2023
Walang komento:
Mag-post ng isang Komento