Linggo, Pebrero 19, 2023

29 Kilometrong lakad ngayong araw

29 KILOMETRONG LAKAD NGAYONG ARAW

ngayong araw ay mahaba-haba ang lalakarin
pakiramdaman kung ang ganito ba'y kakayanin
walang umaatras basta makamit ang layunin
para sa bukas at buhay nitong lahat sa amin

di namin pinoproblema gaano man kalayo
mas problema kung Kaliwa Dam ay maitatayo
buhay, kabuhayan at kultura'y baka maglaho
at sisira rin sa tahanan at lupang ninuno

lalakarin ang kaylayo para sa katarungan
sa aming anak, sa pamayanan, sa kalikasan
dahil may tungkulin kaming ito'y pangalagaan
hanggang susunod na salinlahi't kinabukasan

di pumayag ang Pililla, diretso kaming Tanay
napaaga na gayong bukas pa iyon ang pakay
salamat po sa umuunawa't umaalalay
malayo man ay handa kami para sa tagumpay

- gregoriovbituinjr.
02.19.2023
* kinatha ng madaling araw sa simbahan ng Famy, Laguna

Walang komento:

Mag-post ng isang Komento

Munting aklat ng salin

MUNTING AKLAT NG SALIN di pa ako umaabot na magpalimos kaya nagbebenta ng munting gawang aklat pultaym na tibak ay pulos diskarteng lubos da...