Huwebes, Disyembre 22, 2022

Bato

BATO

bato-bato sa lupa
tumingin ka't luminga
kundi'y baka madapa
una nguso, sungaba

bato-bato sa langit
sa sulok alumpihit
at natatawang pilit
dahil bata'y makulit

bato-bato sa lungsod
ay nakakatalisod
nang biglang mapaluhod
nasugatan ang tuhod

bato-bato sa ulap
pikit na ang talukap
pagod sa pagsisikap
nang ginhawa'y malasap

bato-batong katawan
matibay sa labanan
ngunit sa niligawan
natamo'y kasawian

- gregoriovbituinjr.
12.22.2022

Walang komento:

Mag-post ng isang Komento

Liberty, 41 pahina ng aklat

LIBERTY, 41 PAHINA NG AKLAT apatnapu't isang pahina ng aklat ang haba't ikli ng iyong talambuhay apatnapu't isang taon ng pagtah...