Miyerkules, Nobyembre 16, 2022

Daang gulong

DAANG GULONG

pag-akyat nila ng hagdanan
bubuhatin ang bisikleta
ngayon, nagawan ng paraan
daang gulong ay nagawa na

anong galing nilang mag-isip
nang siklista'y di na magbuhat
wastong paraan ay nahagip
taospusong pasasalamat

ah, simpleng engineering iyon
upang buhay ay pagaanin
anong galing na inobasyon
upang lakbay ay pabilisin

sa pag-akyat sa hagdang bato
mga siklista'y di na hirap
may dalang ginhawang totoo
ang daang gulong na pangarap

- gregoriovbituinjr.
11.16.2022

Walang komento:

Mag-post ng isang Komento

Ang labada ni mister

ANG LABADA NI MISTER bilin ni misis, maglaba ako kaya di ko dapat kalimutan  ang sa akin ay biling totoo na agaran kong gagawin naman ang la...