KWENTONG LANGO
tulang TAGAIKU (TAnaGA at haIKU)
i
"tagay pa, cheers, amigo!
magpakalango tayo!"
sabi ng lasenggero
sa katotong lasenggo
isip ay tikom
balewala ang gutom
basta may inom
ii
habang serbesa'y lasap
di siya kumukurap
na nilunod sa iglap
ang problemang kaharap
sugat ma'y antak
simot ang huling patak
ng nilalaklak
- gregoriovbituinjr.
07.18.2022
Walang komento:
Mag-post ng isang Komento