PAGTAWID
basurera silang kaysipag
na naglilinis ng lansangan
nang tatawid sa lupang patag
natsambahan kong makodakan
kumakaway sa motorista
tila ba pakiusap yaon
na patawirin naman sila
na nagawa ng mga iyon
anong laking pasasalamat
pinagbigyan ng mababait
nakatawid ng anong ingat
kabutihan sa isang saglit
ah, sa mga pagmamasid ko
sa palagiang paglulupa
nasasalubong kong totoo
yaong naglulutangang paksa
tulad ng kanilang pagtawid
na aking nakodakan lamang
may kwento pala silang hatid
na anong saya pag nalaman
- gregoriovbituinjr.
03.04.2022
Walang komento:
Mag-post ng isang Komento