pinrito ko'y nasunog na naman
noong may pumasok sa isipan
kaya ang kwaderno'y sinaglitan
isinulat ang napagnilayan
nasok sa diwa'y baka mapawi
kaya kumilos akong madali
nang maamoy ang nasa kawali
pinrito'y nasunog nang kaunti
ang gilid ng daing ay nangitim
napabayaan nang mahumaling
sa pagkathang tila ba nahimbing
nang magkasunog saka nagising
buti na lang, di sunog na sunog
at naagapan pa't di nadurog
dagli kong kinuha't di pa lamog
ang uulaming nakabubusog
- gregoriovbituinjr.
02.23.2022
Walang komento:
Mag-post ng isang Komento