PAGMUMUNI
simpleng tibak lang ngunit tahimik
ang kagaya kong di palaimik
datapwat lagi kong hinihibik
ang pagbabagong sa diwa'y siksik
habang patuloy na nagmumuni
na sa sistemang bulok ay saksi
ano nga ba ang makabubuti
para sa lalong nakararami
palasak ang pagsasamantala
at kaapihan ng dukhang masa
nais kong mabago ang sistema
na misyon ng bawat aktibista
bulok na sistema'y mapaglaho
lipunang makatao'y itayo
ibabagsak ang tuso't hunyango
sa pagbabago tayo patungo
- gregoriovbituinjr.
02.08.2022
Walang komento:
Mag-post ng isang Komento