ehersisyo mang di halata
sa pabalat nga'y nalathala
anila, "matalas na diwa
palaisipan ang panghasa"
kapag may panahon lang naman
sasagot ng palaisipan
bagong salita'y malalaman
kahit mula sa lalawigan
isa mang pampalipas-oras
o libangan, di man lumabas
tila may kausap kang pantas
na ang talino'y tumatagas
na akin namang sinasahod
ang salitang tinataguyod
na tunay ngang nakalulugod
na sa pagtula'y mga ubod
palaisipang laking tulong
sa mga taludtod ko't saknong
pati na sa anak mong bugtong
upang tumalas pa't dumunong
- gregoriovbituinjr.
11.02.2021
Walang komento:
Mag-post ng isang Komento