asahan mo, irog
ang aking pagluhog
puso'y dinudulog
pagsinta'y kaytayog
asahan mo, sinta
nasa puso kita
laging narito ka
buhay ko't lahat na
asahan mo, giliw
sa harana'y saliw
pagsinta't aliw-iw
na di magmamaliw
asahan mo, hirang
saka'y nililinang
upang huwag lamang
poste'y binibilang
alam mo, mutya
ng buhay kong dukha
pagsinta'y panata
at tunay na sumpa
asahan mo, liyag
puso kong binihag
mo'y naging panatag
salamat sa habag
asahan mo, mahal
pagsinta mang bawal
o pagsinta'y banal
kita'y magtatagal
- gregbituinjr.
Mag-subscribe sa:
I-post ang Mga Komento (Atom)
Noche Buena ng isang biyudo
NOCHE BUENA NG ISANG BIYUDO nagsalita ang D.T.I., atin daw pagkasyahin iyang limang daang piso sa Noche Buena natin maraming nagprotesta, hu...
-
"Think lightly of yourself and think deeply of the world." ~ Miyamoto Musashi ang sarili'y huwag mo gaanong pakaisipin kund...
-
ANG "AKO ANG DAIGDIG" NI ALEJANDRO G. ABADILLA AT ANG "TAYO ANG DAIGDIG" NG U.S.A. FOR AFRICA Maikling sanays... -
KINALIKOT ANG MOUSE, AKALA'Y DAGA? ang mouse ng laptop ba'y nahilang sadya kaya napabagsak iyon sa lupa pagdating ko'y nakita si...
Walang komento:
Mag-post ng isang Komento