Asahan mo

asahan mo, irog
ang aking pagluhog
puso'y dinudulog
pagsinta'y kaytayog

asahan mo, sinta
nasa puso kita
laging narito ka
buhay ko't lahat na

asahan mo, giliw
sa harana'y saliw
pagsinta't aliw-iw
na di magmamaliw

asahan mo, hirang
saka'y nililinang
upang huwag lamang
poste'y binibilang

alam mo, mutya
ng buhay kong dukha
pagsinta'y panata
at tunay na sumpa

asahan mo, liyag
puso kong binihag
mo'y naging panatag
salamat sa habag

asahan mo, mahal
pagsinta mang bawal
o pagsinta'y banal
kita'y magtatagal

- gregbituinjr.